Taron Ki Utarti Hai doli Aur Chandni dulhan Hoti Hai

taron ki utarti hai doli aur chandni dulhan hoti hai

jis raat men do dil milte hain vo raat suhagan hoti hai

jab dil se dil mil jaate hain to kya kya gul khil jaate hain

kuchh ghair gale lag jaate hain kuchh apnon se an-ban hoti hai

jalte hain jahan vaale lo jalen ham rah-e-vafa men saath chalen

duniya ko chhoḌo duniya to dil valon ki dushman hoti hai

surat miri ankhon men dekho kya dekh rahe ho aina

jis aankh men koi bas jaae vo aankh bhi darpan hoti hai

bas un ke liye hi raat aur din dil mera dhaḌakta hai lekin

jab samne vo aa jaate hain tez aur bhi dhaḌkan hoti hai

tum bin ye baharon ka mausam lagta hai mujhe patjhaḌ ki tarah

tum saath raho to har ik rut mere liye savan hoti hai

tasvir ho teri jab dil men gham dil ke qarib aae kaise

main yaad tujhe kar leta huun jab koi bhi uljhan hui hai

nikhre to bane ik taj-mahal phaile to ḳhushbu aur ghazal

lekin jo simaTti hai chahat mahbub ka daman hoti hai

Leave a Comment