Shamim Jaipuri
tark-e-mohabbat par bhi hogi un ko nadamat ham se ziyada
kis ne ki hai kaun karega un se mohabbat ham se ziyada
ham ne maana aap men hogi sabr ki taqat ham se ziyada
dekhiye lekin utri hui hai aap ki surat ham se ziyada
uff vo tabassum halka halka haa.e vo bhigi bhigi palken
vaqt-e-ruḳhsat un pe garan tha lamha-e-ruḳhsat ham se ziyada
koi tamanna koi masarrat dil ke qarib aane hi na di
kis ne ki hai ishq men yaaro gham se mohabbat ham se ziyada
Leave a Reply