Raziya Subhan
bazgasht char-su sadaon ki
baat kya kijiye nazaron ki
dil men ḳhushbu basi hai sandal ki
raqs karti hui fazaon ki
saat rangon ki qaus hai har su
phuul dar phuul in qataron ki
qissa-e-hijr ki kahani men
baat hai sirf chand taron ki
ham ne oḌhi hai ik siyah chadar
aap ke zulf ki ghaTaon ki
husn ka kya muvazana kiije
ḳhud vazahat ho tum baharon ki
dhuup jaisi tamazaten har dam
baat hi aur maan ki chhanv ki
ham ne to ḳhud pe inhisar kiya
koi hajat nahin saharon ki
Leave a Reply