Dilon Ki Or Dhuan Sa Dikhai Deta Hai

dilon ki or dhuan sa dikhai deta hai

ye shahr to mujhe jalta dikhai deta hai

jahan ki daagh hai yaan aage dard rahta tha

magar ye daagh bhi jaata dikhai deta hai

pukarti hain bhare shahr ki guzargahen

vo roz shaam ko tanha dikhai deta hai

ye log tuuti hui kashtiyon men sote hain

mire makan se dariya dikhai deta hai

khizan ke zard dinon ki siyah raton men

kisi ka phuul sa chehra dikhai deta hai

kahin mile vo sar-e-rah to lipat jaaen

bas ab to ek hi rasta dikhai deta hai

More Poems

Leave a Comment