Jalti Rahna Sham-E-Hayat

jaltī rahnā sham-e-hayāt

phir na milegī aisī raat

kah to ga.ī vo nīchī nigāh

raaz hī rakhnā rāz-e-hayāt

ham kuchh samjhe vo kuchh aur

ḳhāmoshī meñ baḌh ga.ī baat

kis ko sunā.eñ pūchhe kaun

āh-e-nīm-shabī kī baat

ruuh ke munkir jism-parast

sahl nahīñ irfān-e-hayāt

uf ye dast-e-talab aur ham

sab hai vaqt paḌe kī baat

dāman se ab muñh na chhupā

jā bhī chukī ashkoñ kī barāt

jis ne na paa.ī apnī panāh

kyā degā auroñ ko najāt

sher vahī hai jis meñ ‘sirāj’

ḳhud taḌpe rūh-e-jazbāt

Leave a Comment