Abdul Hamid Adam
chhedo to us hasin ko chhedo jo yaar ho
aisi khata karo jo adab men shumar ho
baithi hai tohmaton men vafa yuun ghiri hui
jaise kisi hasin ki gardan men baar ho
din raat mujh pe karte ho kitne hasin zulm
bilkul miri pasand ke mukhtar-e-kar ho
kitne uruuj par bhi ho mausam bahar ka
hai phuul sirf vo jo sar-e-zulf-e-yar ho
ik sachcha pyaar hi nahin bas yaar ai ‘adam’
jaan vaar do agar koi jhuta bhi yaar ho
Leave a Reply