Akhtar Bastavi
be-sabati ziist ki taslim karta huun magar
kya zaruri hai ki be-maqsad bhi ho jaae hayat
koi nasabulain ho gar aadmi ke samne
hasti-e-nachiz bhi sabit ho ruh-e-kaenat
ik haqiqat mujh pe raushan hai jo karta huun bayan
jabki main ai dosto mard-e-jahan-dida nahin
be-irada kyon phire insan dasht-e-dahr men
zindagi jo kuchh bhi ho barg-e-ḳhizan-dida nahin
Leave a Reply