poet

Mere Jaanib Se Use Ja Ja Ke Samjhate Hain Log

mere janib se use ja ja ke samjhate hain log

vo nahin sunne ka zid be-kar dilvate hain log

shola-khu mera sune mujh dil-jale ka haal kyuun

aag men aag aur bhi nahaq laga aate hain log

mere marne par unhen kyuun rashk se puchho koi

kyuun sar-e-balin mire be-kar chillate hain log

koi kahta hai tujhe jallad koi sang-dil

teri janib se mujhe aa aa ke dhamkate hain log

main na jiita huun na marta huun sisakta huun pada

jhuut sach qasmen tumhare samne khate hain log

dosti ke parde men karte hain mujh se dushmani

tum ko phir agli jafaen yaad dilvate hain log

teri mahfil men mira aana jo un ko baar hai

chhed kar tujh ko mujhe baten hi sunvate hain log

tum se aur vaada vafa ho ye hamen bavar nahin

qasmen de kar tum ko nahaq jhuut bulvate hain log

baaz aaya asman in ki hava-khvahi se main

aag dil ki aur bhi aa aa ke bhadkate hain log

More Poems

Leave a Comment