Aap Ki Bas Ye Nishani Rah Gai

Siya Sachdev

aap ki bas ye nishani rah ga.i

uljhanon men zindagani rah ga.i

jhuuT aaya samne sach ki tarah

duur roti haq-bayani rah ga.i

jis ke do kirdar the tum aur main

yaad mujh ko vo kahani rah ga.i

jis ka kah dena zaruri tha bahut

baat vo tum ko batani rah ga.i

ḳhaak men lipTa hua bachpan gaya

karb men lipTi javani rah ga.i

umr guzri hai ghulamon ki tarah

naam ki vo sirf raani rah ga.i