Aap Ki Bas Ye Nishani Rah Gai

aap kī bas ye nishānī rah ga.ī

uljhanoñ meñ zindagānī rah ga.ī

jhuuT aayā sāmne sach kī tarah

duur rotī haq-bayānī rah ga.ī

jis ke do kirdār the tum aur maiñ

yaad mujh ko vo kahānī rah ga.ī

jis kā kah denā zarūrī thā bahut

baat vo tum ko batānī rah ga.ī

ḳhaak meñ lipTā huā bachpan gayā

karb meñ lipTī javānī rah ga.ī

umr guzrī hai ġhulāmoñ kī tarah

naam kī vo sirf raanī rah ga.ī

Leave a Comment