Poet
shahpara-e-adab ho agar vardat-e-dil
naqsh-o-nigar-e-fikr men ho jaa.e muntaqil
tha e’tibar-e-zabt magar aaj na-gahan
ḳhud vo taḌap uThe hain kuchh aisa dukha hai dil
lutf-o-karam ki ab vo tamanna nahin rahi
kis daur men hui hai tiri chashm munfa.il
thi aarzu sakun ki magar is qadar nahin
is shiddat-e-ḳhulus se ghabra gaya hai dil
kis vaqt yaad aa.i hai daur-e-nashat ki
mahaul bhi udaas tabi.at bhi muzmahil
muddat ke ba.ad aaj mile bhi to is tarah
kuchh ham bhi sharmsar hain kuchh vo bhi hain ḳhajil
Leave a Reply