Ummeed Fazli
ham hain bas itne hi sahil-ashna
ḳhak-e-manzil jitni manzil-ashna
tujh se chhuTte hi ye aalam hai ki ab
dil ki dhaḌkan bhi nahin dil-ashna
sham.a be-parvana jalva be-nagar
kya hue aḳhir vo mahfil-ashna
aah ye tufan-ba-kaf abr-o-hava
aah vo yaran-e-sahil-ashna
vaqt vo sahra ki jis ki gard men
gum hue jaate hain manzil-ashna
is ki qurbat par na itrao ‘amir’
mauj kab hoti hai sahil-ashna
Leave a Reply