Mere Ham-Qadam Mere Ham-Nashin Mere Sath Chal

Sameena Gul

mire ham-qadam mire ham-nashin mire saath chal

mire ham-safar mira kar yaqin mire saath chal

shab-e-hijr men jo thi talḳhiyan sabhi bhuul ja

mujhe dil men rakh mira ghar yahin mire saath chal

main tire vajud ki shaḳh huun mujhe kaaT mat

mujhe paas rakh main guman nahin mire saath chal

ye jo la-makan ke silsile tiri zaat ke

tiri zaat men huun nihan kahin mire saath chal

kabhi chand par kabhi phuul men kabhi ḳhaak men

mujhe yuun na bhej kahin kahin mire saath chal

main chali suḳhan liye gulsitan mire saath aa

miri soch ke vahin sab nagin mire saath chal