Poet
tarik but-kade ko daraḳhshan bana diya
sajda kiya to kufr ko iman bana diya
kaTne diya na chain se ik lamha-e-hayat
dil mutma.in hua to pareshan bana diya
ghunchon ki sadgi ne chaman men diya fareb
phulon ke husn ne mujhe hairan bana diya
ashkon men kuchh mila ke asiron ne ḳhun-e-dil
sham-e-qafas ko sub.h-e-gulsitan bana diya
‘nudrat’ mata-e-ishq vadi.at hui mujhe
mere nasib ne mujhe insan bana diya
Leave a Reply