Tarah Tarah Ke Sawalat Karte Rahte Hain

tarah tarah ke savālāt karte rahte haiñ

ab apne aap se ham baat karte rahte haiñ

atā huī hai hameñ jab se daulat-e-ehsās

ġhamoñ se sab ke mulāqāt karte rahte haiñ

ḳhushī meñ ḳhush huuñ maiñ jin kī unheñ ye kyā mālūm

ki ḳhud-kushī mire jazbāt karte rahte haiñ

nasīhateñ na kareñ ab to kyā kareñ ki ‘ra.īs’

yūñhī talāfī-e-māfāt karte rahte haiñ

Leave a Comment