taq-e-mazi men jo rakkhe the saja kar chehre
le ga.i tez hava gham ki uḌa kar chehre
jin ke honTon pe tarab-ḳhez hansi hoti hai
vo bhi rote hain kitabon men chhupa kar chehre
karb ki zard tikonon men ka.i tirchhe ḳhutut
kis qadar ḳhush tha main kaghaz pe bana kar chehre
mu-qalam le ke mire shahr ki divaron par
kis ne likkha hai tira naam miTa kar chehre
log phirte hain bhare shahr ki tanha.i men
sard jismon ki salibon pe uTha kar chehre
Leave a Reply