Tajdid Zindagi Ke Ishaare Hue to Hain

tajdīd zindagī ke ishāre hue to haiñ

kuchh pal sahī vo aaj hamāre hue to haiñ

maanā nasīb ho na sakā koī āftāb

rātoñ meñ merī chāñd sitāre hue to haiñ

be-shak haqīqatoñ se bahut duur hai magar

be-shak yahī sarāb sahāre hue to haiñ

chhūTā nahīñ hai dāman-e-ummīd ab talak

ham bhī ai dost vaqt ke maare hue to haiñ

ye aur baat ham hī na mahzūz ho sake

ḳhush-rañg zindagī ke nazāre hue to haiñ

Leave a Comment