tajdid zindagi ke ishare hue to hain
kuchh pal sahi vo aaj hamare hue to hain
maana nasib ho na saka koi aftab
raton men meri chand sitare hue to hain
be-shak haqiqaton se bahut duur hai magar
be-shak yahi sarab sahare hue to hain
chhuTa nahin hai daman-e-ummid ab talak
ham bhi ai dost vaqt ke maare hue to hain
ye aur baat ham hi na mahzuz ho sake
ḳhush-rang zindagi ke nazare hue to hain
Leave a Reply