Mughni Tabassum
tapte sahra men ye ḳhushbu saath kahan se aa.i
zikr zamane ka tha teri baat kahan se aa.i
jalti dhuup ke lashkar ke ḳheme kis ne toḌ diye
jhilmil karte taron ki barat kahan se aa.i
biite lamhe lauTe bhi to yaad bane ya ḳhvab
parchha.in thi parchha.in phir baat kahan se aa.i
chand abhi to nikla hi tha kaise Duub gaya
mere angan men ye kaali raat kahan se aa.i
Leave a Reply