tanz ke tiir miri samt chalate kyuun ho
tum agar dost ho to dil ko dikhate kyuun ho
dekh le ye bhi zamana ki ho tum kitne amiir
apni palkon ke nagine ko chhupate kyuun ho
ai mire paanv ke chhalo mire ham-rah raho
imtihan saḳht hai tum chhoḌ ke jaate kyuun ho
tishnagi se miri barson ki shanasa.i hai
biich men nahr ki divar uThate kyuun ho
meri tarik shabon men hai ujala in se
chand se zaḳhmon pe marham ye lagate kyuun ho
us se jab ahd-e-vafa kar hi liya hai ‘ajiz’
be-vafa kah ke use ashk bahate kyuun ho
Leave a Reply