Zehra Nigaah
maazi
do bachche apne kamre se
taron vaale kapde pahne
mere kamre men aate hain
mujh se lipat kar so jaate hain
aur meri be-khvab ankhon men
niind ki thandak bhar jaati hai
haal
ghar ki biivi
apni aaya se kahti hai
raat gae mire donon bachche
kyuun mere kamre men aate hain?
mujh se lipat kar so jaate hain
tum akhir kaahe ke liye ho?
meri khvab-alud ankhon se
saari niind bikhar jaati hai
Leave a Reply