Kuchh Ishq Tha Kuchh Majburi Thi So Maine Jiwan War Diya

kuchh ishq tha kuchh majburi thi so main ne jivan vaar diya

main kaisa zinda aadmi tha ik shakhs ne mujh ko maar diya

ik sabz shakh gulab ki tha ik duniya apne khvab ki tha

vo ek bahar jo aai nahin us ke liye sab kuchh haar diya

ye saja-sajaya ghar sathi miri zaat nahin mira haal nahin

ai kaash kabhi tum jaan sako jo is sukh ne azar diya

main khuli hui ik sachchai mujhe janne vaale jante hain

main ne kin logon se nafrat ki aur kin logon ko pyaar diya

vo ishq bahut mushkil tha magar asan na tha yuun jiina bhi

us ishq ne zinda rahne ka mujhe zarf diya pindar diya

main rota huun aur asman se taare tutte dekhta huun

un logon par jin logon ne mire logon ko azar diya

mire bachchon ko allah rakhe in taaza hava ke jhonkon ne

main khushk ped khizan ka tha mujhe kaisa barg-o-bar diya

Leave a Comment