Poet
teri tasvir ko taskin-e-jigar samjhe hain
tere didar ko ham zauq-e-nazar samjhe hain
qahr ki ankhon se tum ne hamen jab bhi dekha
ham ise ain mohabbat ki nazar samjhe hain
hai yahi un ka samajhna to ḳhuda hafiz hai
talib-e-ḳhair ko vo bani-e-shar samjhe hain
un ki manind koi sahab-e-idrak kahan
jo farishte nahin samjhe vo bashar samjhe hain
apni ankhon men jagah dete hain mujh ko ‘sabir’
mere ahbab mujhe kohl-e-basar samjhe hain
Leave a Reply