tanha.i ne phir bazm saja li hai to kya hai
chup ne jo kahin aag jalali hai to kya hai
lo ḳhaak nashinan-e-bayaban chale phir
manzil ne miri pyaas bujha li hai to kya hai
shayad rag-e-jan toḌ ke nikli hai tamanna
ḳhvabon ne koi bazm saja li hai to kya hai
phir aks bujha jaata hai suraj ki ziya se
a.ine se vo dhuul uTha li hai to kya hai
main bhuul bhulayyon men kahin ghuum rahi huun
dil ne koi divar gira li hai to kya hai
minnat-kash-e-ehsas kahan chain milega
minnat miri sadiyon ne baḌha li hai to kya hai
mehndi ka koi rang zara din nahin Thahra
muTThi men vahi ḳhaak saja li hai to kya hai
mujh men hi miri ruuh bhaTakti hai to kab se
avargi-e-sham sambhali hai to kya hai
Leave a Reply