kin mausamon ke yaaro ham ḳhvab dekhte hain
jangal pahaḌ dariya talab dekhte hain
is asman se aage ik aur asman par
mahtab se juda ik mahtab dekhte hain
kal jis jagah paḌa tha paani ka kaal ham par
aaj us jagah lahu ka sailab dekhte hain
us gul pe aa rahi hain sau tarah ki baharen
ham bhi hazar rangon ke ḳhvab dekhte hain
dariya hisab o had men apni ravan davan hai
kuchh log hain ki is men girdab dekhte hain
ai be-hunar sambhal kar chal rah-e-sha.iri men
fan-e-suḳhan ke mahir ahbab dekhte hain
Leave a Reply