reza reza tire chehre pe bikharti hui shaam
qatra qatra miri palkon pe utarti hui shaam
lamha lamha mire hathon se sarakta hua din
aur aseb-zada dil men utarti hui shaam
sub.h ka ḳhvab magar ḳhvab ajab jan-leva
mere pahlu men sisakti hui marti hui shaam
saath sahil pe guzarte hue dekhi thi kabhi
yaad hai ab bhi samundar men utarti hui shaam
main bhi tanha huun to ye shaam bhi tanha tanha
ya.ani tanha.i men kuchh aur nikharti hui shaam
Leave a Reply