raat guzri na kam sitare hue
munkashif ham pe hijr saare hue
naav do-laḳht ho ga.i ik din
do musafir the do kinare hue
phuul daldal men khil raha hai yahan
ham hain ik jism par utare hue
jaane kis vaqt niind aa.i hamen
jaane kis vaqt ham tumhare hue
muddaton ba.ad kaam aa.e hain
chand lamhe kahin guzare hue
apni chhat par udaas baiThe hain
ham parindon ka ruup dhare hue
Leave a Reply