Nahin Saqi Ka Saghar Ka Qamar Ka

nahīñ saaqī kā sāġhar kā qamar kā

sahārā chāhiye terī nazar kā

musāfir kyuuñ na rasta bhuul jaa.eñ

ishāra mil gayā shams-o-qamar kā

kabhī parvāz par thā zo.am ham ko

bharosā ab nahīñ hai bāl-o-par kā

mujhe to chaak kī gardish ne Dhālā

huā hai naam saarā kūza-gar kā

bayāñ kab raushnī maiñ kar sakūñgī

jo qissa muḳhtasar hai raat bhar kā

Leave a Comment