mire dil ki ab ai ashk-e-nadamat shust-o-shu kar de
bas itna kar ke duniya se mujhe be-arzu kar de
chaman sar par utha rakkha hai fariyad-e-anadil ne
maza aa jaae tu gul ko agar be-rang-o-bu kar de
ye inaam-e-taghaf ai dil-e-himmat-shikan tauba
mujhe gum kar to yuun gum kar ki mahv-e-justuju kar de
sadaf ki tarah dil ko raz-dar-e-mauj-e-tufan kar
guhar ki tarah mujh ko gharq-e-bahr-e-abru kar de
milega rishtha-e-ulfat kahin ai bakhiya-gar tujh ko
jo mil jaae to mere dil ke zakhmon ko rafu kar de
mujhe tab-e-nazar baaqi nahin ai jalva-e-janan
pareshan ik zara aariz pe zulf-e-mushkbu kar de
gali jaati hain zanjiren jala jaata hai pairahan
junun ko fikr hai rusva mujhe phir ku-ba-ku kar de
mujhe avval fana akhir fana ai ‘barq’ hona hai
zahe-qismat jo rukh meri taraf vo shoala-ru kar de
Leave a Reply