dil se har guzri baat guzri hai
kis qayamat ki raat guzri hai
chandni nim-va daricha sukut
ankhon ankhon men raat guzri hai
haa.e vo log ḳhubsurat log
jin ki dhun men hayat guzri hai
tamtamata hai chehra-e-ayyam
dil pe kya vardat guzri hai
kisi bhaTke hue ḳhayal ki mauj
kitni yadon ke saat guzri hai
phir koi aas laḌkhaḌa.i hai
ki nasim-e-hayat guzri hai
bujhte jaate hain dikhti palkon pe diip
niind aa.i hai raat guzri hai
Leave a Reply