dariche baaz the
thandi hava ki narm dastak se
nava-e-nim-shab
ankhen thithak kar khul gaiin
mahtab ke khamosh jaadu se
samundar bhi humakta tha
mujhe vo naam kya dena
jhalak khud ism gar ki jis men aati ho
mujhe kyuun qaid karte ho
main mutthi men sama jaun
tilismi taqaten be-asra bandon ko dahlaen
kahin divar par chaspan
garebanon ki zinat men
balaon se hifazat kar sakun
kyuun naam dete ho
hazaron qarna-ha qarnon se
yuun hi chand barsa hai
samundar aah bharta hai
moattar phuul ke gajron men bas kar
faslon ke lams ki duuri tadapti hai
mujhe mahsus kar lo
ankh-bhar kar dekh lo
phir niind ki tah men
thirakte barg avara ki surat
dubte jaao
mujhe be-nam rahne do
Leave a Reply