bahut ukta gaya jab sha.iri se
lipaT kar ro paḌa main zindagi se
abhi kuchh duur hai shamshan lekin
badan se raakh jhaḌti hai abhi se
use bhi zabt kahna Thiik hoga
bahut chiḳha huun main par ḳhamushi se
bas us ke ba.ad hi miThi nadi hai
kaha avargi ne tishnagi se
laga hai sochne thoḌa tu munsif
mire haq men tumhari pairvi se
mayassar ho ga.iin shaklen hazaron
hua ye fa.eda be-chehragi se
suno vo daur bhi aa.ega ‘kanha’
takega husn jab bechargi se
Leave a Reply