Mushaf Iqbal Tausifi
tanha shajar ke dard ka ehsas de gaya
ik shaḳhs mujh ko jism ka ban-bas de gaya
lab-ha-e-nilgun pe hain us ki amanaten
jaate labon ka jauhar-e-almas de gaya
jis men kabhi bhi aks ki kirchen nahin rahin
TuuTa hua vo shisha-e-ehsas de gaya
ab tak hai mere hathon men ḳhushbu rachi hui
maslub ho ke phuul bahut baas de gaya
ik rud-e-bevafa.i men mujh ko baha ke aaj
saton-samundaron ki koi pyaas de gaya
ik na-murad ufuq pe hai kohre ka chand sa
kaisi ‘musavvir’ aas vo be-as de gaya
Leave a Reply