Shakeel Badayuni
be-kasi se marne marne ka bharam rah jaega
vo zarur aenge jab ankhon men dam rah jaega
kya khushi men zindagi ka hosh kam rah jaega
gham agar mit bhi gaya ehsas-e-gham rah jaega
haae vo ik alam-e-be-tabi-e-pinhan ki jab
fasla manzil se apna do-qadam rah jaega
chhed di main ne agar rudad-e-husn-e-shash-jihat
na-mukammal qissa-e-dair-o-haram rah jaega
Leave a Reply