Parnav Mishra Tejas
tanha safar hai aur hai yadon ki qabr-gah
Thahri hue saman men Dare jhinguron ki aah
maddham lapakti lau se chamak uThta asman
aise men dard-e-hijr ki halki si ik nigah
soz-e-darun men mast huun phir bhi koi kamin
hai chahti zara ki abhi aur huun tabah
mujh se ḳhala men baat bhi karna nahin rafiq
aise ḳhala men baat bhi karna hai ik gunah
sab ka ḳhuda hai aur miyan mera koi aur
mere ḳhuda ki zulf se raushan hai shab-e-mah
Leave a Reply