tang aa ga.e hain ishq men ab zindagi se ham
aa.e qaza to nazr karen jaan ḳhushi se ham
un ki ḳhushi se baḌh ke hamen kuchh nahin aziiz
dil maal kya hai jaan bhi de den ḳhushi se ham
puchha tha main ne ghair ne kya aap se kaha
bole kisi ki baat kahen kyuun kisi se ham
ruḳhsat ki tujh se maut ne mohlat hamen na di
band aankh kar ke nikle hain teri gali se ham
pursan-e-hal kaun ho badle hue hain bhes
baiThe hain un ki bazm hain ik ajnabi se ham
puchho na ham se ziist ka lutf aa gaya hamen
jis din se ru-shanas hue be-ḳhudi se ham
ham bhi hain apni vaz.a ke duniya men ek si
mumkin nahin milap karen mudda.i se ham
‘shad’ is tarah se aaj kiya us ne mujh ko ‘shad’
dekho to phuul ban ga.e khil kar kali se ham
Leave a Reply