chand khud ko dekh kar sharmaega
badalon ki ot men chhup jaega
yuun udasi men na tu is ko guzar
umr bhar is shaam ko pachhtaega
aankh khulte hi vo dhundhega mujhe
khvab aisa us ko mera aaega
chal tu kitna bhi saliqe se magar
raston men thokaren to khaega
raundta hai aaj jo is khaak ko
ek din vo khaak men mil jaega
gunguna ke dekh tu bhi ye ghazal
lai men is ki dubta hi jaega
Leave a Reply