Poet
tan men dam rok main ba der rakha
aao ji kis ne tum ko gher rakha
ham ga.e vaan to yaan vo aaya vaah
ḳhuub qismat ne her-pher rakha
kar gaya vo hi rah-e-ishq ko tai
yaan qadam jis ne ho diler rakha
sab ko aajiz kiya falak ne par ek
ahu-e-dil pe gham ko sher rakha
ja ke baiThe jo ku-e-yar men ham
vaan se bahar qadam na pher rakha
ba.ad muddat vo dekh kar bola
kis ne yaan ḳhaak ka ye Dher rakha
shukr ai dard-e-ishq tu ne sada
zindagani se ham ko ser rakha
kaisa ghabra gaya vo kal ham ne
Tuk jo raste men us ko gher rakha
ḳhair ho ya ilahi ‘jur.at’ ne
ashiqi men qadam ko pher rakha
Leave a Reply