Hashim Raza Jalalpuri
tamasha ahl-e-mohabbat ye char-su karte
dil-o-dimagh aur ankhen lahu lahu karte
vo raushni se bhari jhiil ke kinare par
shikasta-ruh, darida-badan rafu karte
hamare baare men taftish karna chahte the
to jan-e-jan parindon se guftugu karte
jamal-o-husn se labrez jab zamana hai
tiri bisat hi kya teri aarzu karte
zamin pe chand sitare bichha ke ai ‘hashim’
falak pe phuul sajane ki aarzu karte
Leave a Reply