Poet
kisi ko phir use paane ki zid hai
hamare darmiyan aane ki zid hai
miri chahat hai us ko rok lena
magar vo hai ki bas jaane ki zid hai
dayar-e-sham se aage nikal kar
mohabbat ke aza-ḳhane ki zid hai
shu.ur-e-gham vahan pahuncha ki ab to
ḳhushi ko marsiya-ḳhane ki zid hai
kisi ki pyaas zinda javedan hai
kisi ko phir se mar jaane ki zid hai
furat-e-jism se ḳhemen haTa kar
amir-e-sham ke aane ki zid hai
Leave a Reply