Raziq Ansari
shajar pe baiThe hue hain panchhi tanav men sab
abhi shikari hain apne apne paḌav men sab
mohabbaten ho rahi hain zaḳhmi kise ḳhabar hai
abhi hain masruf apne rishte chunav men sab
nahin tum aise nahin ho jaisa ye paḌh rahe hain
hamen pata hai qasida-ḳhvan hain dabav men sab
bana ke din bhar miri ayadat ko ik bahana
namak lagane ko aate rahte hain ghaav men sab
tumhare andar ke aadmi se nahin hain vaqif
ye log baiThe hue hain kaghaz ki naav men sab
Leave a Reply