Muhammad Fiaz Hasrat
tamanna thi so marqad par gaya tha
na samjho ye ki main bhi mar gaya tha
ḳhuda se kya gila sach to yahi hai
main apni hasraton se Dar gaya tha
nigahen muntazir the haath ḳhali
phir ik mazdur kaise ghar gaya tha
jo mushkil aa paḌi to vo na aa.e
magar ḳhush huun ki main aksar gaya tha
zamin-o-asman shahid hain us ke
ki phaila char-su vo shar gaya tha
thi masjid davat-e-maslak tabhi main
ḳhuda ko DhunDne mandar gaya tha
bana kafir musalman ab hai hasrat
main kafir ko musalman kar gaya tha
Leave a Reply