Shairi Ruh Mein Tahlil Nahin Ho Pati

shā.irī ruuh meñ tahlīl nahīñ ho paatī

ham se jazbāt kī tashkīl nahīñ ho paatī

ham mulāzim haiñ magar thoḌī anā rakhte haiñ

ham se har hukm kī ta.amīl nahīñ ho paatī

āsmāñ chhīn liyā kartā hai saarā paanī

aañkh bhartī hai magar jhiil nahīñ ho paatī

shaam tak TuuT ke har roz bikhar jaatā huuñ

yaas ummīd meñ tabdīl nahīñ ho paatī

rāt-bhar niiñd ke sahrā meñ bhaTaktā huuñ magar

sub.h tak ḳhvāb kī takmīl nahīñ ho paatī

Leave a Comment