Gauhar Hoshiyarpuri
jaati rut se pyaar karoge
kar lo baat udhar karoge
tab mil kar ehsan kiya tha
ab mil kar isar karoge
jitne ḳhvab utni ta.abiren
kitne daagh shumar karoge
ai inkar ke ḳhugar logo
aur bhi koi vaar karoge
us ke naam ko naav bana kar
pyason ko sarshar karoge
farz karo ham mar na sake to
jiine se inkar karoge
farz karo ham haar ga.e to
qabr kahan tayyar karoge
Leave a Reply