Hai Jitna Zarf Mera Itna Hi Sila Dena

hai jitnā zarf mirā itnā hī sila denā

na aur kuchh tū umīdoñ kā silsila denā

mirī to arz-e-tamannā hai qadre pechīda

javāb denā ho mushkil to muskurā denā

kisī ġharīb kī dil-jūī bhī ibādat hai

hai nek kaam kisī rote ko hañsā denā

kuchh is qadar huī kamzor Dor rishtoñ kī

hai ek mo.ajiza TuuTe sire milā denā

tumhārā farz hai hālāt-e-hāzira pe ‘asar’

ġhazal ke sheroñ meñ ik tabsira sunā denā

Leave a Comment