Alok Yadav
la.un main kahan se bhala andaz-e-bayan aur
munsif ki zaban aur hai aur meri zaban aur
ye dard samajhta nahin adab-e-zamana
koshish ho chhupane ki to hota hai ayaan aur
qismat ka likha maan le thoḌe se ziyan ko
ja.ega adalat men to pa.ega ziyan aur
tafsil bayan karta hai kyon apne amal ki
is tarah to har shaḳhs pe guzrega guman aur
manzil pe pahunch kar na hua dil jo mira ḳhush
puchhi jo vaj.h us ne kaha aur amaan aur
tum se bhi kahan mujh ko sama.at ki tavaqqo
mujh men bhi kahan baaqi hai ab tab-e-fughan aur
ye zulm ke sho.ale hain faqat ḳhuun se bujhenge
ashkon se bujhaoge to uTThega dhuan aur
Leave a Reply