Dekho Ghir Kar Baadal Aa Bhi Sakta Hai

dekho ghir kar bādal aa bhī saktā hai

aadhī raat vo pāgal aa bhī saktā hai

yuuñ jo uḌtā phirtā hai tere sar par

pairoñ meñ ye āñchal aa bhī saktā hai

raakh ke Dher meñ aag chhupī bhī hotī hai

ḳhālī aañkh meñ kājal aa bhī saktā hai

lāzim hai kyā sab kī pyaas ho ik jaisī

ho kar koī jal-thal aa bhī saktā hai

itne moḌ safar meñ dekh chukā huuñ ‘shāz’

mere ḳhayāloñ meñ bal aa bhī saktā hai

Leave a Comment