poet

Dagh-E-Dil Apna Jab Dikhata Hun

dagh-e-dil apna jab dikhata huun

rashk se shama ko jalata huun

vo mira shokh hai nipat chanchal

bhaag jaata hai jab bulata huun

us pari-ru ko dekhta huun jab

ho ke divana sudh bhulata huun

mujh ko deta hai galiyan uth kar

niind se jab use jagata huun

jab mujhe gherta hai gham ‘taban’

saghar-e-mai ko bhar pilata huun

More Poems

Leave a Comment