nim-shab atish-e-fariyad-e-asiran raushan
dhuup si phail rahi hai sar-e-divar-e-chaman
ya tire qurb ki ye sa.at-e-afsurda hai
ya kabhi tere tasavvur se sulagta tha badan
dil-jale ro.e hain shayad kahin phir aḳhir-e-shab
bhiga bhiga hai nasim-e-sahari ka daman
aaj tak yaad hai vo sham-e-juda.i ka saman
teri avaz ki larzish tire lahje ki thakan
dil ke zaḳhmon se mahak aati hai phulon ki ‘azim’
sina-e-chak hai ya raḳhna-e-divar-e-chaman
Leave a Reply