Qayyum Tahir
avazon ki dhund se Darta rahta huun
tanha.i men chup ko oḌh ke baiTha huun
apni ḳhvahish apni soch ke biij liye
ik an-dekhi ḳhvab-zamin ko DhunDhta huun
samne rakh kar ga.e dinon ka a.ina
apne dhundle mustaqbil ko dekhta huun
sahil sahil bhigi ret pe chalta tha
sahraon men Tangen toḌ ke baiTha huun
meri saari samten raat ke ghere men
main sub.hon ki zaḳhmi aankh ka sapna huun
ab to suraj oḌh ke baiThunga ‘qayyum’
main ik ThanDe yaḳh dariya se guzra huun
Leave a Reply