Mughni Tabassum
kya koi dard dil ke muqabil nahin raha
ya ek dil bhi dard ke qabil nahin raha
un ke lahu ki dahr men arzaniyan na puchh
jin ka gavah daman-e-qatil nahin raha
apni talash hai hamen ankhon ke shahr men
a.ina jab se apne muqabil nahin raha
sargarmi-e-hayat hai be-maqsad-e-hayat
sab rah-navard-e-shauq hain mahmil nahin raha
us ka ḳhayal aata hai apne ḳhayal se
ab vo bhi apni yaad men shamil nahin raha
Leave a Reply