Ejaz Ansari
gham-e-hayat ka manzar badalne vaala hai
ḳhushi manao ki suraj nikalne vaala hai
vo shaḳhs jis ne hamesha ḳhulus banTa tha
zara si baat pe tevar badalne vaala hai
ghurur hone laga us ko apni shohrat par
ye azhdaha ise zinda nigalne vaala hai
sambhalo apne safine ḳhud apne hathon men
suna hai aaj samundar machalne vaala hai
vaqar-e-ilm-o-hunar kam na ho kahin ‘ejaz’
yahi charagh havaon men jalne vaala hai
Leave a Reply